CÎHAN ROJ
Di medya civakî de jê haydar bûm ku di 10 rûniştinan de peyvek çareser nebûye. Wexta min da hişê xwe min dît ku bikaranîna hin peyv û qaliban a li devera Gimgimê dikare çareserîyê bîne.
Omer Dilsoz di hesabê xwe ê Xê de wisa nivîsîye:
"Peyva ku di 2 sal û 10 rûniştinan da çareser nebûyî... Gilêş e gilêşno!"
Di şîroveyan de ev hatine nivîsîn:
Ez bawerim bermaw(bermahîk) jî başe,
Bê bermaw:zero waste
Ka endamên dîtir ên komxebatê ên di rûniştinan de ji wan kê çi pêşnîyar kirîye ez jê ne haydar im.
Dîtin û pêşnîyarên min:
Li devera Gimgimê gotina "herdehûrde" heye. Ji bo hemî tiştên bêkêr û ên wekî bêfeyde têne dîtin û têne avêtin jî tê bikaranîn:
"Wan herdehûdeyan biavêje."
"Herdehûrdeyên derdorê bide hev."
"Ji herdeûhûrdeyan merû nikare li cîyê xwe rûnê."
"Herdehûrde" peyveke baş û zindî ye ku "atik" (tiştên bêkêr , bermahiyên piçûk û bêqîmet) îfade dike. Meriv dikare wisa modernîze bike:Herde: ji bo "atik" an "bermahî" Herdehûrde : Ji bo qûç û tiştên wekî qelax an jî kombûyî, tiştên belavbûyî yên bêkêr.Hîçherde an qetherde: ji bo "sifir atik / zero waste" pir xweş û xwezayî ne. Kurdî jî xweş hezim dike. Ne warê min ê esas e lê alî parçên mehnê ve, wekî şayîr û romanûsekî, bi min watedar in . Ger ev pêşnîyarên min alî Komxebata Kurmancî ve were nirxandin û bête qebîlkirin helbet wê bo min cîyê kêfxweşîyê be.
Dîmen: Malzemebilimi
Dîmen: Malzemebilimi
Yorumlar
Yorum Gönder